يشوفونك··· وَلَهْ جوّال فـ عيوني··· إذا مريتْ

يشمّونك··· عطر فوّاح فـ ضلوعي··· إذا صديتْ

يناجي وحدتي وليلي

ويضوِّي لي قناديلي··

            ويعطّر كل زوايا البيتْ

* * *

وغناوي الشوق إن مَرَّتْ··· على بحّة وترْ·· أو نايْ

ومالت كل بساتيني··· ونادت لي بفرح دنيايْ

أسافر في مداينها·· على درب السهر·· عنّايْ

أنا والليل واشعاري··· وإنت - بخاطري - ويايْ

تغنى في مواويلي

من الفرقا وتشكي لي

وإذا··· من رحلتي رديتْ

يشوفونك على احروفي··· وعلى كل قافيهْ·· أو بيتْ!

* * *

ولو غمَّضتْ أنا اعيوني

ـ إذا حال النوى دونك ـ

ورحلت بدنية اعيونك···

تصدِّقْ···

هَمْ يشوفونك!!

يشوفونك!!