خيط عن خيط.. ابتعدْ

            سلّوا اخيوط البلَدْ

وانكشف ما كان خافي

            بثوبها·· لما انسردْ

                  * * *

ياللي تسأل شالقضيه

            باينه.. ما هي خفيّه

عند هالعالم جليّه

            بس بعيونك رمَدْ

                  * * *

"الإقامات".. وسببها؟!

            قال من فاز وكسبها:

"نار تاكل في حطبها

            دام في الديره سندْ"

                  * *

كم وزير.. يمر وعدَه

            بالسما ايدوّي برعده

و"الملف" بالدرج بعْدَه

            ما صدق مره وَعَدْ!

                  * * *

النمر كشَّر بنابه

            زاد شره من صوابه*

دارنا لا تصير غابه

            تمطر آهات.. وبَرَدْ

                  * * *

باكر ابقلبك تحسَّرْ

            يا للي كل خوفك.. تخسَّرْ

الصحون اللي تكسَّر

            كسّرتْ هيبةْ بَلَدْ!!

______________________

* صوابه: جرحه

وضّاح

wadhah@taleea.com