شيهم يعني لو سقط مرسوم

                  دستورنا حافظ لنا ارسومه

لا يهمج اللي يعترض·· ويلوم

                  واللي تبنّى أفكار مسمومه

"الشمس" أنثى·· لو تباعد يوم

                  "البدر" ما يضوي مع انجومه!

"والروح" أنثى·· ابموتها المحتوم

                  "الجسم" ما يقوا على القومه!

"والعين" انثى·· ودورها معلوم

                  من دونها اللذات معدومه

وأنتي الورود وريحها المشموم

                  عمّت بداري·· تعطّر اكمومه

أهلج تناسوا حقج المهضوم

                  ما ينصفون ادموع مظلومه

الحق ما يرجع بدون اعزوم

                  ترفع·· وتبني ابيوت مهدومه

ماكول خيرج في الملا·· ومذموم

                  ومنهو اللي ينصف في البحر·· عومه*!!

___________________________

مثل شعبي: (العومة ماكوله ومذمومه)

وضّاح

wadhah@taleea.com