يقول وزير المالية: "الرواتب (غول) يلتهم إيرادات الدولة"

ونقول: "استرجعوا الملايين المسروقة·· أوقفوا الهدر والصرف اللامعقول·· بالتأكيد سوف يموت الغول"·

الهدر والصرف·· غول!

اختلاس المال والبوقات سَمْها- يا وزير المال - غول

والملايين إللي ضاعت·· ضيّعت معها العقول!

انقول وإلا ما نقول؟!

منهو ربّى الغول في حضن الحكومة؟!

منهو خرّب "الاقتصاد" وضعْنا في هبة سمومه؟!

منهو في إسمه "حَصَانه"، حتى ما نقدر نلومه؟!

إيه·· مو قلنا بلدنا هذي الطيبه·· الرحومه··

ناكل العظْم اللي فيها

وتالي إنسمّيها ·· "عومه"؟!

والقروض اللي توزّع·· والعطايا·· والهبات

ترتوي منها البلادين البعيدة·· والجهات

وماي عينچ يا عذاري··

ما سقى·· الجذع اللي مات!

مات في هَمّ، وذبول!

ليش ما تحچي وتقول؟!!

"غول"·· منهو ينهب الديره، ولا أحَّدْ له يحاسبْ

"غول"·· منهو سجّل الإيراد بـ اسمه··

وصبَّتْ ابجيبه المكاسبْ

يعني مو بس الرواتبْ··

يا وزير المال· غول!!

وضّاح

wadhah@taleea.com