تذْكر.. حبيبي زرتني.. تطلبني بعض المـغفرهْ؟
في ليـله غايــب بدرها.. واعــــيــــوننا برقٍ وديــــم
قبل اللقا ما يبتدي.. حســــيت روحي مبـــعثره
ومن طلت اعيونك عليْ.. قلبي معي صار الخصيم!
ناســـي الخـــــطا.. يتْذكَّـــرك.. وارد أنا أذَكِّـــره
هذي الجروح الساهــــره صــارت مثل وجــه النديم
لحظات واشرق بدرنا.. ووجه السما من غَيَّره؟!
تحلف ونا احلف: للــهـوى في بعـــض نيرانه نعـــيم
قال المــثل يا صاحـبي "العــفو عند المــقدره"
والمقــــدره صارت مــعك.. يالمعـــتذر خَلِّك كـــريم!
