بلدنا شقد مبليّه

          بنوايا شر مخفيّه؟!

وما من طب لضروسٍ

          نخرها السوس موليّه

لك الله يا بلد حامي

          شكيتي قطْع الارحامِ

وبكيتي دور الأيام

          ولا أحدن صافي النيّه

نووا تزوير دستورك

          عجيبه·· واهدموا دورك

عيالك قلتي هم سورك

          ومن العدوان محميّه!

نقل أصوات للثاني

          فضيحة سرها بانِ

وصار الكل قوماني

          و”مصالحنا انتخابيه”!

نووا تزوير مجلسنا

          ولا همهم هواجسنا

يبون نقول: فلّسنا

          وترى ملينا حريّه!

يـ “هيئة” شفيك وش صاير؟!

          و”صوتك” واصل العاير

يرد الشايجي حاير:

          “أمور اشوي فنيّه”!!

“أمور اتخربط الحسبه

          نقلنا·· وزادت النسبة

مرشح راح في كسبه

          ولم أصوات بالميّهً”

أبد ما ينقبل عذره

          بذر في أرضنا بذره

استقالة تنهي ها الهذره

          ويعلنها··· علانيّه

ويذكر من وثق فيهم

          ويكشف كل أساميهم

لجل ما نشوف خافيهم

          ونعرف راس ها الحيّه؟!!

وضّـــــاح

wadhah@taleea.com