"أنشغل بالدفاع عن قيثارتي، أكثر مما أعزف ألحاني"

عبدالرحمن الخميسي

* * *

شالســـواد اللي تنزَّل علــى عــرشٍ وتــــاج؟!

                  شالبياض اللي تجــوَّل في زوايـا مظلــمــه؟!

شالمهـــابة على صقـرين مـن مرمـرْ وعـــاج؟!

                  شالظنـــون اللـي تـكـفِّـر كـل نـيّـه مسـلـمــه؟!

كن في صـــدره عتابٍ وإلاّ صـرخاتْ احتجــاج

                  وإلاّ شـــوقــيٍ تـعــلّـى فــوق عــيّا يـكـــتمه!

النحـــر يشكـــر سواد الثــوب معـطـيه انفـــراج

                  فرحة الشـوف لا ردتْ عـلـى عيــون العـــمى

والنجــوم اللـــي حــوالـــينه تناثــر كالزجـــاج

                  مثل شرهاتك على ربــعٍ اهــم فــيك اغشـمه

يــرحــم اللّه من جـــابك أيـا طلْــق الحجــــاج

                  من رماه الحظ في يــــدينك تلطّـف.. واظلــمه

الفقـير اللي يبَـس عــوده ولا شــاف ابتهـــاج

                  منهو اللي سقاه من الســحايب.. وألهـــمــه؟!

المزاج؟!... اللّه لا يقطــع مـــراسيل المــــزاج

                  لـــوّن الحلــــم في قلــبي.. تعــــنّا وارســـمه

وراحـــت نيــاق صبـــري تدافـــع بالفجــــاج

                  مـالــها كـود الخســـايــر والــدروب المعتمــه

إن بغيـت الدرب يمّه.. رِسَـــم فــيه اعوجـــاج

                  وإن نويت أرجع.. تراوالي شراك ابـ مبسمه!

واهمــه يا نـوق قلبي تـــرى الصــافي همـاج

                  إنفضــي حمْـــل الأمــانـــي فــلا حولج سما

وإن بنيتِ لج وهَمْ.. وهْمين.. في كف العجاج

                  الــوهَم لا بانت اشموسه.. يموت من الظمـا!!

وضّاح

wadhah@taleea.com