"تصرفوا وكأنكم أحرار" وصية الراحل العظيم البابا يوحنا بولس الثاني للبولنديين أيام الاحتلال السوفييتي لبولندا

شنهو ناطر يا شرار؟!

يالذكي، الألمعي·· شلون ما تعرف مسارك؟!

استقالوا "ربعك" بلحظه سريعه

"الصحه" و"الإعلام" والنوري المريض

(مو مرض لكن تمارض، منهزم مجروح من ذيك المعارك)

همّلوا مركب وزارتهم وراحو

وإنته ليما اليوم ما تحسم قرارك

كان لازم تنصح الباقين كلهم بـ"استقاله"

مو تخليهم ضحايا يشاركونك بانتحارك

* * *

إسمع القصه القديمه

وإنته تعرفها لأنك

إنته موسوعة مدارك:

كان يا ما كان·· كان

قصه مرويه ومعروفه زمان

كان "جُحّا" بس يبي يقبض دراهم، ما يبي يدخل معارك

لما قال الوالي خلنا نشوف:

"لو بعد عامين وأكثر·· كيف يتكلم حمارك؟"

"جحّا" وافقْ

················

················

················

كمّل القصه اللي فوق

إنته تعرفها لأنك

إنته موسوعة مدارك!

وضّاح

wadhah@taleea.com