|
(1)
وحوش
روح اقْطع البيد·· رافج بالفيافي وحــــــــــــــوش
وإلمس مرارات في أقصى الضمير و حـــــوش(1)
تبني لك ابيوتْ - في وهم السراب - و حوش(2)
أشوى من الدار واصحابك وأهل الدار
ما دام فيها انقلب ذاك الزمــــان ودار
وتشوف فيها رِدَفْ أهلك ورا غـــدار
وعقب الأصيلات صاروا يسرجون جحــــــــــــوش!
___________________________________________
(1) إلمس
(2) ساحة بيت
(2)
سِئلوا أمهات الوفا
هاك الخبر وانشره بين اهلك وشيعه:
إنّ الأعادي نووا للدار تشييعـــــه(1)
وإلا احنا ما نختلف من سنّه أو شيعه
ما عمره واحد رفع رمح الشقا وسنّه
إن طاح جارٍ لهم لقلـــــــــــوب واسنّه
حتى أمهات الوفــــــا بالراس باسنّه
اخوان·· كلْنا سوا من سنّه أو شيعـه
___________________________________________
(1) توديع جنازته
(3)
كشاخش نَداَد!
نكتب بسهل وعسر للي لنا يقـــــــرون
ونقول خير البلد في شرّها مقــــــرون
بعض الأوادم يبي لو تنخلق له قرون!!
راعي المثل قالها·· يرطن·· يصيــح الداد
من شاف راس البغل ناطح هوى لبـــلاد:
"خُدا خَرْدِيدْ (يا فاهم) كِشَاخِشْ نَدَادْ"ü
يا حكمة الرب لما·· ما خلق له قرون!
___________________________________________
* "خدا خرديد كشاخش نداد" مثل فارسي يعني أن "الله يعرف طبع الحمار لذلك لم يخلق له قرونا"
وضاح
wadhah@taleea.com |
