شف عرج الوطن، جفّت شرايينه

ووسط كفّك نبع بارد

يـ شيخ·· اللّه يا سعدك

نشف قلب الوطن·· لا قطرات له خليت

ولا كلمات من وعدك

بس قطرة قهر مكبوت

تتكسّر وسط عينه

وزير الماي

لا حلم بمطر يسقي قوايلنا ولا عشبة خضار تطول في عهدك

حبست الغيم بجيوبك

وإذا صحنا الظما··· ينزل لنا رعدك!

وكن الدار هذي خاليه من الناس

لا قبلك ولا بعدك!

وزير الماي

إذا شفت العطاشى يقبلون الموت

ولا حد يوم عن هذا الطمع·· ردك

فـ اشربْ من زلال الماي - يالشيخ العذب - وحدك

وخلّ الدار (هذي الخاليه من الناس)

يذبحها العطش والهم!

وضّاح

wadhah@taleea.com