استقيل·· وفكنا

توب يـ محمد عن التصريح تـــــوب

                        واترك الهيئة وسكّــــــر بابها

التلوث في البلد من كل صــــــوب

                        في سماها وبحْرها وتـرابها

وفي العقول الفاضيه·· ويّا القلوب

                        وفي حكــــومه تشتري نوّابها

ودام شمسك مايله يم الغـــــــروب

                        لـ ستقاله اليوم خـــــطّ اكتابها

واعلم إنّك لو تمادى في الهـــــروب

                        المناصب ما ترز أصحـــــابها

أهـالي أم الهيمان···

ثور يا غاضب مثل كل الشعــــــوب

                        الحقـــــــــــــــــوق يردها طلاّبها

مطلبك: نسماتْ إن مر الهبــــــــوب

                        صافيه بالــروح·· ربك جابـــــها

لوّثوك وسدوا بوجهــــــــــك دروب

                        مشكلاتك·· ما عـرفت أسبابها؟!

السبب منفاك في أقصى الجنــوب!

                        و"المصانع" هايبين أصحـــابها!

الصقور اللي لها مخلبْ غضــــــوب

                        حقهـا مضمـــون في مخــــــلابها

والطيور اللي رضت لقط الحبـــــوب

                        كالمرادم·· شــــوف محّـــد هابها

نِصَاب "لجنة الداخلية والدفاع"··· ونصّابها!

اللجان اللي تخاف من الحـــروب

                        سلّمــــــتْ راياتها في غيــــابها

عذرها الواهي أشد من الذنــوب

                        بـ"النصَاب" اللي كشف نصّـــابها

ما درت إن الكذب ثلجٍ يـــــذوب

                        وشمسنا تمـــــحي حروف كتابها

لو تلّم أنواطها ترس الجيـــــوب

                        بالخساير - ناطرين - حسابها!

وضّاح

wadhah@taleea.com