المد·· لكْ

والجزْر·· لكْ

كل الجهات الأربعه

                        بــدروبها·· تاخــــــذني لك

و···

لو المحامل شرّقت أو غرّبتْ

- في لحظة ضيّعها الزمن –

                        دارت بـدورات الـــــــــــفلك··

ملزوم أنا أمشي الوفا

عكس الهوا

                        وأرمي بروحي··· وأوصـلك

وإن غبت وإلا غيّبك

سرْب الضباب المعتلي

صدري بعطرك يمتلي

وطيفك بعيني أرسمه

وألمس ملامح دنيتك·· بأعلى سما··

                        واْتخيــــــــــــــــــــــــــّـلك

***

عَطِّشْني في صحرا الظما··

بخْلق من الذكرى مطر··

                        وارسم بقلبي منهـــــــــــلك!

أمِّلْني في نْجوم السما··

لا وين ياخذني السهر··

                        صدِّقْني ما يوم اسألـــــــك!

بس لا يحزّ بخاطرك

سيف الندمْ

واحساس ذنبْ وأي ألمْ

الله - يـ عمري - محللّك

***

شنهو اللي ياخذني·· واحِنْ؟!

واتْبع ينابيع اللحن!

ونا اللي مبحر في السفر   لآخر مدى

أسمع بخفّاقي صدى

كل ما لمَع برقْ وبدا

بـ متْن السحابه وانغرَسْ

كل ما بكى بقلبي الطفل

كل ما حبا بصدري الشقا

كل مـ انْزلتْ دمعة ندى

بخد الورود الصابره ببرد الفجر

·········

واطوي شراعي·· وانثني

                        يـــــــــــــــــــــــــم منزلك

منهو اللي مره جـــسا

قلبه مع الدنيا·· ونسى

                        يقدر يفارق محـــــــــــملك؟!

وضاح

wadhah@taleea.com